Gall fod yn anodd iawn dewis gyrfa. Efallai eich bod chi newydd adael yr ysgol neu addysg uwch, yn chwilio am yrfa newydd, wedi colli'ch swydd neu'n ddi-waith. Beth bynnag yw'r rheswm, mae dechrau chwilio am swydd yn gallu bod yn gyfnod pryderus. Mae llawer o bethau i'w hystyried megis:
Cymorth ariannol i'r sawl sy'n ceisio gwaith
Buddion
Cyngor gyrfaoedd a dod o hyd i'r swydd iawn i chi
Sut i chwilio am swyddi a phrentisiaethau
Llunio CV a hyfforddi ar gyfer cyfweliad
Problemau a hawliau yn y gwaith
Cymorth pellach
Mae modd gwneud cais am Lwfans Ceisio Gwaith (JSA) pan fyddwch chi'n chwilio am waith, a bydd gwefan gov.uk yn eich helpu chi i wirio a ydych chi'n gymwys, ac yn dweud wrthoch chi sut i wneud cais.
Efallai y bydd modd i chi gael cael cymorth ariannol fel talebau dillad, gofal plant neu deithio i fynd i gyfweliadau. Bydd Cymunedau am Waith yn rhoi rhywfaint o gyngor i chi.
Os ydych chi'n ddi-waith, yn methu â gweithio, ar incwm isel neu angen help gyda’ch costau byw, efallai bod modd i chi hawlio Credyd Cynhwysol. Mae modd gwirio a ydych chi'n gymwys a chael gwybod sut mae Credyd Cynhwysol yn gweithio ar wefan Gov.uk
Efallai y byddwch chi hefyd yn gymwys i gael cymorth gyda rhent a threth cyngor neu fudd-daliadau eraill. Edrychwch ar wefan budd-daliadau Cyngor Rhondda Cynon Taf am ragor o wybodaeth.
Mae Cyngor ar Bopeth RhCT (CARCT) yn cynnig cyngor didduedd am ddim ynghyd â gwybodaeth ar-lein a chyfrifiannell budd-daliadau ar-lein.
Mae Gyrfa Cymru yn rhoi cyngor am ddim i unrhyw un sy'n gwneud penderfyniadau ynghylch ei addysg neu'i gyflogaeth.
Os ydych chi'n chwilio am ysbrydoliaeth, mae Carfan Materion Addysg, Cyflogaeth a Hyfforddiant RhCT wedi rhoi rhywfaint o wybodaeth at ei gilydd i chi.
Mae modd i ffeiriau gyrfaoedd eich helpu i siarad â chyflogwyr a darganfod beth sydd ar gael yn eich ardal. Efallai bydd modd i Garfan Materion Addysg, Cyflogaeth a Hyfforddiant RhCT roi gwybod i chi pan fydd un yn eich ardal chi. Anfonwch e-bost at y garfan: eett@rctcbc.gov.uk. Efallai y byddai'n ddefnyddiol mynd â'ch CV gyda chi!
Mae Gyrfa Cymru hefyd yn cadw manylion am achlysuron cyfredol ar eu gwefan.
Mae modd i'r Ganolfan Byd Gwaith helpu pobl dros 16 oed yn RhCT i ddod o hyd i swydd neu hyfforddiant â thâl. Mae modd ymweld â Chanolfan Waith leol heb apwyntiad. Ewch i'ch Canolfan Byd Gwaith agosaf a chwiliwch eu swyddi gwag presennol.
Mae chwilio am swyddi ar-lein yn hawdd iawn. Gallwch hefyd ddefnyddio Gov.uk i chwilio am swyddi gwag yn eich ardal chi
Defnyddiwch wefan Gyrfa Cymru i chwilio am brentisiaethau yn RhCT. Mae Cyngor RhCT hefyd yn cynnig rhaglenni prentisiaeth a graddedigion.
Mae Cyngor Rhondda Cynon Taf yn cynnig amrywiaeth eang o rolau a gyrfaoedd a'r adnodd i chi chwilio ar-lein.
Mae gan y Gwasanaeth Ymgysylltu a Chyfranogiad Ieuenctid (YEPS) rai awgrymiadau defnyddiol ar gyfer cyfweliadau a datganiadau personol.
Mae cwestiynau sy'n seiliedig ar gymhwysedd yn boblogaidd iawn ar gyfer ceisiadau a chyfweliadau. Rhowch gynnig ar ymarfer y rhain gan ddefnyddio'r dechneg S.T.A.R. (Sefyllfa, Tasg, Gweithredu, Canlyniad). Mae YEPS yn cynnig rhai awgrymiadau ac arweiniad ar y dechneg.
Mae Gyrfa Cymru yn cynnig cymorth ar ysgrifennu CVs a phroffiliau personol, gan gynnwys CVs enghreifftiol.
Pe bai problemau'n codi yn y gwaith, mae gan Gyngor ar Bopeth lawer o wybodaeth i'ch helpu chi.
Mae modd i'r asiantaethau canlynol eich helpu i ddod o hyd i waith neu helpu gyda phroblemau yn y gwaith ar sail un-wrth-un: